Naifmvlog

Naifm vlog Gossip and News

සොබාදහමේ සිදුවූ වැරදි නිසා ලොව පහළ වුණු දුර්ල­භයෝ

ලෝකය පුදු­මා­කා­රය. සොබාදහමේ නිර්මාණ අපූ­රුය. එමෙන්ම සොබාදහමේ වැර­දීම්ද අපූ­රුය. මේ වැර­දීම් වෛද්‍ය විද්‍යා­වට අනුව ජාන විකෘති වීම් ලෙස විග්‍රහ කළ හැකිය. මේ ජාන විකෘති වීම් නැත­හොත් සොබාදහමේ වැර­දීම් සොබා­ද­හ­මට අම­තර අග­යක් එක් කර­න්නේය. එප­ම­ණක්ද නොව මිනි­සා­ගෙන් ද අම­තර අව­ධා­න­යක් මේ සතුන්ට ලැබෙ­න්නේය. මේ එවන්වූ සුල­බ­යන් අතර දුර්ල­භ­යන්ගේ දුර්ලභ කතා කිහි­ප­යිකි.

ඩොල්ෆින් මසුන් සාමා­න්‍ය­යෙන් සුදු සහ අළු පැහැති ය. එහෙත් රෝස පැහැති ඩොල්ෆින් මාළු­වකු ගැන ඔබ අසා තිබෙ­න­වාද? පිළි­තුර නැත විය හැකිය. එයට හේතුව රෝස පැහැති ඩොල්ෆින් මසකු ඉතා දුර්ලභ වන බැවිනි. එහෙත් මීට වසර දොළ­හ­කට පමණ ඉහ­තදී අමෙ­රි­කාවේ ලුසි­යානා ජන­ප­දය පහළ කැල්කැ­සියු පාස් මුහුදු මාර්ගය ආස­න්නයේ ඩොල්ෆින් මසුන් කණ්ඩා­ය­මක් සමග රෝස පැහැති ඩොල්ෆින් මසකු දිය කෙලි­මින් සිටිනු දුටු ධීව­ර­යන් මේ අද­හා­ගත නොහැකි පුවත ප්‍රාන්ත බල­ධා­රීන්ට දැනුම් දුන්හ. පසුව ප්‍රාන්ත බල­ධා­රීන්ගේ දැනු­ම්දීම අනුව විද්‍යා­ඥ­යන් විසින් සිදු­ක­රන ලද වැඩි­දුර සොයා බැලී­ම්ව­ලින් තහ­වුරු වූයේ මේ රෝස පැහැති මාළුවා ඩොල්ෆින් ගැහැනු සතකු බවයි. ඇය ජාන විකෘ­ති­යක් හේතු­වෙන් බිහිවූ සතකු බව විද්‍යා­ඥ­යන්ගේ මතය විය. පුදු­ම­යට කාර­ණය එය නොවීය. මේ වන විට විට පින්කී නම් ලද මේ ඩොල්ෆින් මවට ඇයගේ සිරු­රේම පැහැ­යෙන් එනම් රෝස පැහැ­යෙන් යුත් පැට­වකු සිටින බව විද්‍යා­ඥ­යන් විසින් සොයා ගැනී­මය. මව් සත්ත්වයා රෝස පැහැ­යෙන් බිහි­වීම ජාන විකෘ­ති­යක් වුවද ඇයගේ පැට­වා­ටද එම පැහැය ලැබීම දුර්ලභ ජාන මිශ්‍ර­වී­මක් ලෙස හඳු­නා­ගන්නා විද්‍යා­ඥ­යන් මෙය ඉතා සුභ සිදු­වී­මක් ලෙස හඳු­නා­ගෙන තිබේ.

මේ දුර්ලභ ජාන මිශ්‍ර­වීම ඉදි­රි­යට පැව­තීමේ සුභ ලකුණු මෙම­ගින් විද්‍ය­මාන වන බව විද්‍යා­ඥ­යන් පවසා තිබේ.

සාමාන්‍ය පැන්ඩා­වන් කළු සහ සුදු පැහැ­තිය. එහෙත් මීට් ක්වීසයි දුඹුරු පැහැ­තිය. ඇයට මැවු­ම්කරු වෙනස් ලෙස සලකා ඇති අතර ඒ හේතු­වෙන්ම ඇය සුවි­ශේ­ෂව සිටි­න්නීය. ක්වීස­යිගේ නිව­හන පිහිටා ඇත්තේ චීනයේ ෂාන්ක්සි පළා­තේය. දැනට මිහි­මත වෙසෙන එකම දුඹුරු සහ සුදු පැහැති මවි­ල්ව­ලින් යුත් පැන්ඩාව ක්වීසයි බව තහ­වුරු කර තිබේ. එහෙත් සත්වෝ­ද්‍යාන සේව­ක­යන් පවසා ඇත්තේ ක්වීසයි උණ බට සොර­කම් කිරීම සම්බ­න්ධව අනෙක් පැන්ඩා­ව­න්ගෙන් චෝදනා ලැබ පීඩා­වට පත්ව සිටි බවයි. එහෙත් මේ වන විට හුද­ක­ලාව සිටි­යද ක්වීසයි දින­කට රාත්තල් 44ක ඇති වෙන්නට උණ බට ලබ­මින් තෘප්ති­මත්ව ජීව­ත්වන බව සත්වො­ද්‍යාන බල­ධා­රීන්ගේ අද­හ­සයි.

දුර්ල­භ­යන් අතර දුර්ල­භ­යකු වීම සැබෑ වාස­නා­වකි. විය­ට්නා­මයේ වනා­න්ත­ර­ය­කදී අහඹු ලෙස ඡායා­රූප ගත කර ගැනී­මට ලැබුණු මේ පිඹු­රාද එවැනි වාස­නා­ව­න්ත­යෙකි. මේ පිඹුරා අර්ධ ඇළි සතෙකි. සිරුරේ ඇතැම් තැන් සාමාන්‍ය වර්ණ­ව­ලින් යුක්ත වන අතර ඇතැම් තැන් සුදු හෙවත් ඇළි පැහැ­යෙන් යුක්තය. විද්‍යා­ඥ­යන් මේ තත්ත්වය හඳු­න්වන්නේ පීබ්ලැඩ් වශ­යෙනි. එහෙත් ශරී­රයේ හරි අඩක් වර්ණ­වත් වීම සහ හරි අඩක් ඇළිවීම හඳු­නා­ගන්නේ ලියූ­සි­සම් වශ­යෙනි. මෙවැනි සතුන් ඇල්බිනෝ හෙවත් ඇළි සතුන් වර්ග­යට අයත් වන්නේ නැත. මේ වර්ණ­වත් මොනරා සැල­කෙන්නේ ඉතා දුර්ලභ සතකු වශ­යෙනි.

ලෝකයේ වේග­වත්ම සත්ත්වයා ලෙස හැඳි­න්වෙන චීටා කහ පැහැති සිරුරේ කළු පැහැ පුල්ලි­ව­ලට උරු­ම­කම් කිය­න්නේය. එහෙත් ඩිස්ක­වර් සඟ­රාවේ ඡායා­රූප ශිල්පි­ය­කුගේ කැමරා ඇසට හසු­වුණු මේ චීටා සම්පූ­ර්ණ­යෙන්ම වෙනස් පැහැ­යෙන් යුක්තය. විද්‍යා­ඥ­යන් පව­සන්නේ මෙසේ වීමට වෙනස් වර්ග දෙකක ජාන මිශ්‍ර වීම හේතු වන්නට ඇති බවයි.

ඇල්බිනෝ සතුන් අති­ශය දුර්ලභ ලෙස නොසැ­ල­කු­නද මේ කුඩා ඇල්බිනෝ හෙඩ්හොග් පැටවා සැබ­වින්ම සුන්ද­රය. ඉරක් ගසා වෙන් කර වර්ණ ගැන්වූවා සේ දිස්වන මේ කුඩා පක්ෂි­යාද සැබ­වින්ම සොබා­ද­හමේ තිළි­ණ­යකි. මේ සියල්ල විකෘති වීම් ලෙසින්ද අර්ථ ගන්වා ගත හැකි වුවද මේ දුර්ල­භ­යන් සැබ­වින්ම සුන්දර නොවේද?

ඇළි හෙඩ්හොග්

අර්ධ ඇළි මොනරා


අර්ධ ඇළි පිඹුරා


ද්වීවර්ණ ලව්බර්ඩ්


දුඹුරු පැහැ පැන්ඩා


රෝස ඩොල්ෆින්