Naifmvlog

Naifm vlog Gossip and News

පිරිමි උකුලට අගුණ ලැප්ටොප් නිසා අනාගතයේ ඇතිවන ප්‍රශ්න

ඔවුහු දරු සුරතල් බලන්නට අපමණ ආශාවකින් පසුවූහ. දරුවකු හදා වඩා ගන්නට අවශ්‍ය පසුබිම සකසා මාස හයක් ගතවන තුරුත් දරුවකු ලැඛෙන සලකුණක්වත් 30 හැවිරිදි ලෝරාගෙන් පහළ වූයේ නැත. මේ ගැන වඩාත්ම කලබලයට පත්වූයේ ලෝරාගේ මවු පදවිය අපේක්‍ෂා කළ 30 හැවිරිදි ස්කොට් රීඩ් ය. දරුවන් ලබන්න තරම් අපි වාසනාවන්ත නැද්ද? හැමදාම රීඩ් ලෝරාගෙනුත්, ලෝරා රීඩ්ගෙනුත් ඇසුවේ ඒ ප්‍රශ්නයයි. රීඩ්ගේ කලබලයටත් පසුතැවිල්ලටත් හේතුවක් තිබිණි. ඔහු විසි එක් වැනි වියේදී කම්මුල් ගායෙන් පීඩා විඳින්නට සිදුවිය. එයින් තමන්ගේ සරු බවට හානියක් වී ද යන්න රීඩ්ගේ හිතේ හොල්මන් කරන්නට පටන් ගත්තේ කම්මුල්ගාය හැදී සුව වූ දා සිටය.

රෝගය වැලඳී නව වසරකට පසු දරු උපතක් ලබන්නට බාධා මතුවෙද්දී හිතේ හොල්මන් කළ සැකය සත්‍යයක් වෙමින් තිඛෙන බව රීඩ්ට අවබෝධ විය. රීඩ්ට මුහුණදීමට සිදුව ඇති අවාසනාවන්ත ඉරණම ලෝරාගේ සිතට තදින්ම දැනෙන්නට විය. දිනපතාම දරු පැටියකු ගැන සිතමින් තැවෙමින් සිටි ලෝරා සහ රීඩ් දිනපතාම වාගේ අන්තර්ජාලයෙන් එහේ මෙහේ සැරිසැරූහ. අරමුණක් නැතිව අන්තර්ජාලයේ සැරිසරද්දී ෆෙස් බුක් එකටත් ගොඩ වැදී යන්නට ඔවුහු අමතක නොකළහ. හිරු මියගොස් හෝරා දෙක තුනක් යනතුරුම රීඩ්ටත් ලෝරාටත් පරිගණකය හරහා යහළුවන් සමඟ නොයෙකුත් වැඩ පණිවුඩ හුවමාරු කරගන්නට තිබිණි. ඒ හැම විටකම අතේ ගෙන යා හැකි පරිගණක යන්ත්‍රය තමන් ගේ උකුළ මත තබාගෙන භාවිත කරන්නට රීඩ් වගබලා ගත්තේ හේතුවක් ඇතිව නොවේ. මේ අහේතුක වැඩය පුරුද්දක් විණි. ඒ නිසා හැමවිටම ඔහු කුඩා පරිගණකය භාවිත කළේ උකුල මතම තබාගෙන ය.

ලෝරාත් ඔහු අසල ගැවසෙමින් ඔහු හුවමාරු කරන පණිවුඩවලට අඩුවක් නැතිවම සම්මාදම් වූවාය. දරු සුරතලය අහිමි සිත්වලට මේ විධිය සැනසීමක් එකතු කළේය. ලෝරා ගේ කුස තුළ දරුවකු ඇති කරන්නට වුවමනා පරිසරය අඩුපාඩුවක් නොකර, සෑම අතින්ම සපුරා තිබියදීත් පිළිසිඳ ගැනීමක් නොවුණේ මන්දැයි කියා සොයා බලන්නට ඔවුහු වෛද්‍යවරයකු වෙත ගියහ. වෛද්‍යවරයා රීඩ්ගේ වාර්තා දෙස හොඳින් බලා කරුණු අවබෝධ කරගත්තේය. සියල්ලටම මුල කුමක්දැයි කියා ඔහුට හඳුනාගන්නට වැඩි වේලාවක් ගත වූයේ නැත. රීඩ්ට සරු බව පිළිබඳ ගැටලුවක් නොතිබිණි. දරුවකු ලබන්නට සමත් ශු-ක්‍රාණු ප්‍රමාණයක් නිෂ්පාදනය වෙමින් තිබිණි.

වෛද්‍යවරයා හමු වූ දිනයේදී ඔවුන් දෙදෙනා ඔහු ඉදිරිපිට බිම හෙලුවේ කවදාවත් ඉටු නොවේයැයි කියා බලාපොරොත්තු තබා තිබූ පැතුමක මිලාන වී ගිය සුන්බුන් ය. රීඩ්ගේත්, ලෝරාගේත් කතාව ඉදිරිපිට දී දොස්තර මහතා කලබල වුයේ නැත. ඔහු දෙදෙනාගේ දිනචර්යා පවා සියුම් අධ්‍යයනයකට ලක්කරන්නට සිතුවේ, කොතැනක හෝ වැරදීමක් අඩුපාඩුවක්, නුහුරු නුපුරුදු දෙයක් සිදුව ඇතැයි කියන අදහසිනි. රීඩ්ගේත් ලෝරාගේත් පරිගණක මිතුරු හවුල එළියට ආවේ එතැනදීය. වෛද්‍යවරයාගේ වැඩි අවධානයක් යොමු වුණේ හැමදාම හැන්දෑ යාමයේදී රීඩ්ගේ උකුලට පැමිණෙන කුඩා පරිගණකය කෙරෙහි ය. ඔහුට රීඩ්ගේ ශු-ක්‍රාණු ප්‍රමාණය මෙන්ම ඒවායෙහි ගුණාත්මක බව ගැන පරීක්‍ෂණ වාර්තාවක් අවශ්‍ය වූයේ එවිටය.රීඩ් පරීක්‍ෂණයට සහභාගි වී වාර්තාත් රැගෙන යළිත් දොස්තර මහතා හමුවන්නට පැමිණියේ හිතේ දෙගිඩියාවෙනි. එක්කෝ දොස්තර මහත්තයා මට බලාපොරොත්තු තබාගන්න කියයි. නැතිනම් බලාපොරොත්තු නැතිකර ගන්න කියයි. රීඩ් එහෙම කතා කළත් ඔහුගේ හැඟීම් වැඩිපුුර දිව්වේ “කවදාවත්ම ඔයාට ළමයෙක් හදන්න බෑ” යැයි පවසා වෛද්‍යවරයා තමන්ව පිටත් කර හරිනු ඇතැයි කියන පැත්තටය.

වෛද්‍යවරයා රීඩ්ගේ වාර්තා දෙස හොඳින් බලා කරුණු අවබෝධ කරගත්තේය. සියල්ලටම මුල කුමක්දැයි කියා ඔහුට හඳුනාගන්නට වැඩි වේලාවක් ගත වූයේ නැත. රීඩ්ට සරු බව පිළිබඳ ගැටලුවක් නොතිබිණි. දරුවකු ලබන්නට සමත් ශු-ක්‍රාණු ප්‍රමාණයක් නිෂ්පාදනය වෙමින් තිබිණි. එහෙත් අන්වීක්‍ෂය ලබා දුන් දත්ත අනුව පෙනී ගියේ රීඩ්ගේ ශු-ක්‍රාණුවල වල්ගය (tail) කොටස ශු-ක්‍රාණුවෙහි හිස (head) කොටසෙහි පැටලී වෙලී ඇති බවකි. එසේ වූ විට ශු-ක්‍රාණුවකට පිහිනීමට බැරි වේ. ස්ත්‍රිය තුළ ඩිම්බය සංසේචනයට සුදුසු අවස්ථාවට එළඹෙන විට ශු-ක්‍රාණුවට කලට වේලාවට එහි ළඟා වන්නට නොහැකි වේ. ස්ත්‍රී ඩිම්බය සංසේචනයට සුදුසුම අවස්ථාව පසුකර ඊළඟ අවධිවලට එළඹෙයි. ඩිම්බය කලලයක් ඇතිවීමට සුදුසුම අවස්ථාව පසු කළ විට ශු-ක්‍රාණු එහි ළඟාවූවාට වැඩක් නැත. පිළිසිඳ ගැනීමක් ඇති නොවේ. මේ විපත සිදුවන්නේ ශු-ක්‍රාණුවලට කලට වේලාවට පීනන්නට බැරි වීමෙනි. ඊට හේතුව උෂ්ණත්වයයි. රීඩ් ගේ ශු-ක්‍රාණුවලට උෂ්ණත්වය නිසා හානි සිදුවන්නේ ලැප්ටොප් එකෙනි. එය උකුළට ගත් විට පරිගණකයෙන් නිපදවෙන තාපය නවතින්නේ ශු-ක්‍රාණුවල ක්‍රියාකාරිත්වයට බාධා පමුණුවමිනි. කලාතුරකින් වුවත් සිදු වන්නට හැකි මේ සිද්ධිය වෛද්‍යවරයා රීඩ්ට පහදා දුන්නේය.

රීඩ්ට පරිගණකය උකුළට ගැනීමේ පුරුද්ද නවතා දැමීමට අවවාද කෙරිණි. අලුත් චර්යාවකට හුරු වෙමින් රීඩ් මෙන්ම ලෝරා ද නැවත වරක් දරුවකු ගැන සිහින මවන්නට වූහ. එක්තරා දිනයක ලෝරා මවක වන ලකුණු පළ කළාය. මේ ආරංචි ආවේ හදිසියේවත් අහම්ඛෙන්වත් නොවේ. එහෙත් එය හදිසියේ ආ සුබ ආරංචියක් මෙන් ලෝරාටත් රීඩ්ටත් දැනිණි. ඔවුහු අන් කවරදාටත් වඩා සතුටු වූහ. අම්මාත් තාත්තාත් සොයාගෙන පුංචි ටාරින් ආවේ පසුගිය අවුරුද්දේ දෙසැම්බර් 8 වැනිදාය. දැන් පුංචි දුවට අවුරුද්දක් පිරෙන්නට ළඟයි. ටාරීන්ගේ සිනාත් සුරතල් වැඩත් මැද රීඩ්ගේත් ලෝරාගේත් ජීවිත පරිපූර්ණ බවට ළඟා වූවා වැනිය. බ්‍රිතාන්‍ය ජාතික ස්කොට් රීඩ්, ලෝරා මෙන්ම බ්‍රිතාන්‍යයේ ක්වීන් ඇලෙක්සැන්ඩ්‍රා රෝහලේ විශේෂඥ වෛද්‍ය සූ කෙන්වර්දි ලෝකයට කියන වැදගත් පණිවුඩයක් තිබේ. ඒ පණිවුඩය ඔවුන්ගේ වචනවලින් ම මෙසේය. ”මේ වගේ විපතක් ඇතිවෙන්න පුළුවන් ලැප්ටොප්වලින් පිටවන උෂ්ණත්වය නිසා. ඒ බව පිරිමින් වටහා ගන්න ඕන. ඔවුන් ලැප්ටොප් භාවිත කළ යුතු වන්නේ උකුළ මත තබා නොව මේසයක් මත තබාගෙනය.”