Naifmvlog

Naifm vlog Gossip and News

ගෙවත්තේ පහසුවෙන් වැ​වෙන එළවළු වර්ග 5ක්

ඔයා ගෙදරම හැදූ එළවළු ආහාරයට ගන්න කැමැත්තෙන් ඉන්​න කෙනෙක්ද? ඔයත් ඔයාගේ ගෙවත්තේ එළවළු හිටවීමට සිතුවාද? නමුත් ගෙවතු වගාව ඉදිරියට ගෙන යන්නේ කොහොමද කියලා දන්නේ නැද්ද? හොඳයි, ඔයා කරදර විය යුතු නැහැ. ඔයාට ඔයාගේ ගෙවත්තේ​ම ඉතා පහසුවෙන් වගා කළ හැකි එළවළු කිහිපයක් තියෙනවා. ඔයා තනිවම පැළ කරපු එළවළු අස්වැන්න නෙළා ගත් පසු, ඔයාට ගෙවතු වගාව විනෝදජනක වේවි. අද හැඩකාරී අපි ඔයාට ගෙවත්තේ පහසුවෙන් වැඩෙන එළවළු කිහිපයක් ගැනයි කියන්න හිතුවේ.

පිපිඤ්ඤා
ඔයාගේ ගෙවත්තට යහපත් හිරු එළියක් ලැබෙන්නේ නම්, පිපිඤ්ඤා වගා කිරීම හො​ඳයි. හොඳින් හිරු එළිය වැටීම මෙහි ඵලදාව සාර්ථක වීමට අත්‍යාවශ්‍ය සාධකයක්. ඒ ව​ගේම පිපිඤ්ඤා සිරස් අතට වැඩෙන බැවින් වැඩි ඉඩක් අවශ්‍ය වෙන්නේත් නැහැ.

බෙල් පෙපර්
මෙම එළවළු උෂ්ණත්වය හොඳින් ලැබෙන පරිසරය​ක සහ හොඳින් ජලය බැස යන සරු පසක සාර්ථක​ව වැඩෙයි. ඔයාට මෙම එළවළු සලාද, ව්‍යංජන, පැස්ටා සහ මස් වර්​ග වල​ටද එකතු කළ හැක.

බෝංචි
ගෙවත්තේ වව​න වඩාත් ජනප්‍රිය එළවළු වලින් එකක් තමයි බෝංචි කියන්නේ. බෝංචි වගාව සාර්ථක වන්න​ට හිරු එළිය හොඳින් ලැබී​ම සහ මධ්‍යස්ථ වශයෙන් හෝ සරු පසක් අවශ්‍ය වෙනවා. ​මෙම වගා​ව පළිබෝධකයන්ට ගොදුරු විය හැකි අතර ඒවා ආරක්ෂාකාරීව තබා ගන්න පියවර ගත යුතුයි. බෝංචි වල විටමින් සී, කේ සහ ෆෝලේට් අඩංගුයි.

තක්කාලි
තක්කාලි කියන්නේ ඉවුම් පිහුම් සඳහා යොදාගන්නා ජනප්‍රියම ප​ළතුරක්. කුඩා ඉඩක පෝච්චි වල වුවත් මෙම බෝග වගා කිරීමට පහසු යි. නමුත් තක්කාලි විවි​ධ රෝග හා පළිබෝධකයන්ට ගොදුරු වීමේ වැඩි අවදානමක් ඇති අතර සමහර තක්කාලි විශේෂයන්​ට නිසි ලෙස වැඩීමට ආධාරක ආදිය සිටුවීම​ද අවශ්‍ය වෙනවා.

බණ්ඩක්කා
බණ්ඩක්කා ගෙවත්තක වගා කළ හැකි හොඳම එළවළුවක් ව​න අතර කාබනික හෝ රසායනික පොහොර යෙදීමෙන් සාර්ථක අස්වැන්නක් ලබා ගන්න පුළුවන්.